Þegar tölur Vinnumálastofnunar um atvinnuleysi og þróun þess það sem af er ári eru skoðaðar kemur ýmislegt athyglisvert í ljós. Þar má t.d. sjá að þrátt fyrir að munur á skráðu atvinnuleysi í janúar og ágúst á þessu ári sé einungis 0,2% (sem hægt væri að kalla 20% aukningu atvinnuleysis) er aukning á fjölda atvinnulausra 38,25% ef miðað er við meðalfjölda einstaklinga.
Í upplýsingagögnum Vinnumálastofnunar segir: “Skráð atvinnuleysi er mælt á þann veg að fjöldi atvinnuleysisdaga er umreiknaður í meðalfjölda einstaklinga, þar sem allir dagar í hverjum mánuði eru taldir nema laugardagar og sunnudagar og útkomunni deilt í áætlaðan mannafla á vinnumarkaði í hverjum mánuði sem út er gefin í upphafi hvers árs af efnahagsskrifstofu fjármálaráðuneytis og endurskoðaður eftir atvikum.”
Þessi meðalfjöldi atvinnulausra einstaklinga var í janúar 2008 1.545 en í ágúst 2.136. Raunaukning 38,25%.
Í ljósi þeirra uppsagna sem tilkynntar hafa verið nú yfir sumarið og ekki eru allar komnar til framkvæmda má gera ráð fyrir að nú þegar líður á haustið muni atvinnuleysistölur fara ört hækkandi. Þó atvinnuleysi teljist enn hverfandi hér á landi, er sú hætta fyrir hendi að það taki snöggan kipp upp á við samfara þeirri snöggkólnun hagkerfisins sem nú stendur yfir.
5% atvinnuleysi myndi t.d. þýða að yfir 10.000 manns væru hér án atvinnu. Verður það staðan um næstu áramót?
Þessi ríkisstjórn sem ég hafði svo mikla trú á í upphafi er gersamelga búin að missa það! Atvinnuleysisstjórn krata og íhalds í upphafi tíunda áratugarins er orðin vel heppnuð miðað við þessa!
SvaraEyðaSjá nánar:
Þjóðarsátt undir forystu ASÍ og SA eina raunhæfa leiðin!
www.hallurmagg.blog.is/blog/hallurmagg/entry/639210/
Opinberu tölurnar segja lítið. Þar koma ekki fram þeir sem hafa horfið með einum eða öðrum hætti af vinnumarkaði. T.d. er óvenjulega mikið um að fólk hafi fari inn í framhaldsskólana. Stór hópur erlendra er farinn af landi brott. Einnig er allstór hópur enn á uppsagnarfresti
SvaraEyðaEftir er einungis kjarninn, og þá getur farið að fara um marga þegar hann fer að missa vinnuna á meðan erlendir launmenn eru hér í verkum á vegum m.a. borgarinnar við byggingar á skólum